SAÍDA A VIGO : GUYI-GUYI E CASTRELOS

O venres pasado collimos o bus para ir a Vigo. É a última excursión do curso polo que a disfrutamos especialmente.

No teatro Caixanova vimos unha obra de monicreques preciosa titulada "Guyi-Guyi". Este era un cocodrilo que pensaba que era un parrulo, pois nacera nunha familia de parrulos. Cómo se sentía diferente e como o vían os demáis. Semellante o conto do "Parruliño feo",foi tenro e divertido á vez, cunha moralexa interesante que nos tivo entretidos durante case unha hora.

Alí coincidimos con nenos/as doutro cole de Ponteareas e atopamos a unha ex-compañeira nosa: Iria, así que levámonos unha gran alegría e incluso nos fixemos unha foto con ela, estaba guapísima e moi grande.

O saír do teatro fumos ata Castrelos para merendar e xogar un ratiño nos columpios. E outra vez de volta cara Ponteareas.

Un bo día.

CONVIVENCIA COS NENOS DO C.R.A.

Fai pouco organizamos un día de convivencia cos nenos/as das escolas pequenas que pertencen ao CRA da Picaraña e que van vir para o noso cole o ano que ven.
Así poideron coñecer o noso cole, os distintos espazos e a nós, non resultando tan duro o ano que ven.
Ensinámoslles a biblioteca, as aulas de 1º, algunha de infantil, fixemos xogos para coñecer os nosos nomes, merendamos, xogos tradicionais, xogamos un ratiño no parque e fumos todos ao teatro, onde poidemos ver dúas obras : "Rato busca un obreiro" feita polos pais dos nenos/as da clase de 5 anos-B e "Discovery Brey" da clase de 2ºB.
Foi un día moi divertido e ademáis fixemos moitos amigos.
En setembro volverémonos a atopar.

DON MOUCHO

A semana pasada Don Moucho preguntábanos...

¿Cal é o sabor que non poden percibir os gatos? O SABOR DOCE.

Esa era a resposta. Todos a sabiades, pero no sorteo saíu elexida ISABELLA.

Aquí a vemos co seu premio. NORABOA!!.

Os demáis participantes, como sempre, levaron un pequeno agasallo por participar.

OS NOSOS CONTOS

Gústannos moito os contos, polo que temos despois do recreo a nosa "hora de ler", facemos o préstamo de libros os venres, a mochila viaxeira, decoramos algún conto xa inventado, inventamos algún...
E algunhas veces algún de nós fai o seu propio conto, como é o caso de este que vos imos mostrar.
Un conto sobre unha excursión feita ao Zoo a fin de semana.

O ZAPATEIRO E OS TRASNOS

Outro ano máis participamos na exposición "Grandes autores do Bouza Brey" organizada pola biblioteca do cole.Entre todos/as escribimos e decoramos o conto "O zapateiro e os trasnos", conto dos irmáns Grimm que coñecemos fai pouco.Todos colaboramos con moito interés polo que quedou precioso e gustou moito aos nenos/as doutros cursos. Esperamos pais e nais que a vós tamén os guste.

O TEATRO

Pero que ben o fixemos! que ben saíu todo!.
Hoxe, dende aquí, teño que felicitar os meus nenos e nenas, non só porque o fixeron tan ben, senón por todo o que traballaron. Ensaios diarios no cole polos que nunca protestaron e os que imaxino houbo na casa. Foi un gusto que lle botaran tantas gañas e lles fixera tanta ilusión.
Tamén felicitarvos a vós, pais e nais, polo traballo da casa que sei que foi moito, polos disfraces que fixéstedes, por vir a vernos,...
Non se me ocorre mellor forma de acabar esta etapa, tanto para eles, como para min.
Canto vos vou añorar... Pero para non porme máis triste, ímos ver unhas fotos do evento.

VALERIA ESTÁ DE CUMPLE

Esta semana celebramos o primeiro cumple do mes de maio, pero non o último...
Foi Valeria a que chegou o venres toda cargada, axudada pola súa irmá, de galletas e zumes.
Encargouse ela mesma de repartir os vasos e as galletas, tanto que case olvida que ela tamén tiña fame e quería probalas.
Esta vez decidimos sentar nas colchonetas a cantarlle o cumple e así saír todos na foto.
Rímonos moito e pasamolo moi ben.





Felicidades, Valeria!

CÁNTOS ROBOTS!!!

Non esperaba esta resposta á proposta de elaborar con distintos materiais, un robot.
Recoñezo que aínda estou sorprendida, gratamente, por todos os robots que viñeron feitos ao cole. E é que prácticamente todos, por non dicir todos, decidístedes poñervos mans á obra.
Ademáis, como vades a poder comprobar, foron do máis orixinal. Tivéstedes ideas boísimas. Así que os nenos/as poideron mostrar os seus robots moi contentos, falar do que utilizaron, onde conseguiron o material, quén os axudou, de quén foron as ideas de poñer esto ou aquelo,...
Grazas, porque así da gusto proporvos cousas.

GÚSTANVOS?

A GRANXA KIRIKO

A excursión máis esperada durante infantil é a que facemos á Granxa Kiriko, como despedida desta etapa que remata.
Pasamos o día na compaña duns monitores moi simpáticos cos que fixemos moitas actividades divertidas, como facer unha rosquilla, cancións, xogos,... e nos ensinaron moitas cousas, como os animais, a horta o invernadoiro, o bosque,...
O lugar é increible de bonito e fixo un día precioso, polo que poidemos disfrutar moitísimo.
Nestas fotos podedes ver algunhas das cousas que vimos e fixemos, outras xa volas contamos nós.

VISITA Á GRANXA KIRIKO

Xa vos estades preparando? Non olvidedes que o martes, xa ó chegar, saliremos de excursión á Granxa Kiriko.
Non tedes que levar merenda nin nada, máis que roupa cómoda e moitas gañas de pasalo ben. Pasaremos alí o día, regresando sobre as 17:30 aproximadamente.
Esperamos ter un día bonito no que salga o sol e non chova, pero aínda que esto non pase, non hai problema, nós sempre o pasamos ben.
Saúdos a todos e ata dentro duns días.

A CANUDA-SALVATERRA

Outro ano máis volvemos ao parque da Canuda.
Encántanos ir porque podemos fartarnos a xogar cos nosos amigos/as, a diferencia do cole hai columpios para todos e un espazo xigante para correr, saltar, berrar,...
Tamén houbo tempo para merendar, aínda que pouquiño, pois xa estabamos desexosos de volver a xogar.
Ademáis fixo un día precioso sen demasiado calor. Pasámolo fenomenal.

DON MOUCHO

Temos pendiente as respostas a 2 preguntas que nos plantexou Don Moucho.
-¿Cal é a cidade con máis habitantes do mundo e en que país está? TOKIO en JAPÓN. (gañou un neno/a da da outra clase de 5 anos).

-¿Cantos océanos existen na Terra? 5
-¿Cal é o máis grande? O océano Pacífico.
Esta vez a gañadora foi PAULA, da nosa clase.
Moitas felicidades!

ÓSCAR E ALESSANDRA

Neste mes de abril celebramos os aniversarios de Óscar e de Alessandra.

Tanto un coma a outra levaban días anunciando o acontecimiento, e nós deseosos de poder celebralos con eles. Óscar apareceu cun biscoito (aquí podedes velo) moi rico que fixo coa axuda da súa nai, galletas e zumes. Moi disposto quixo repartir él os doces e os vasos. Pasámolo moi ben e Óscar disfrutouno. Alessandra tamén chegou ao cole moi contenta e cargada cun biscoito feito pola súa tía, galletas e bolsiñas de chuches. Cantamos o cumple, tiramos das orellas, dimos moitos bicos e pasámolo de marabilla. Felíz cumple aos dous!!

ANTONIO GARCÍA TEIJEIRO II

Aínda que non dispuxo de tempo para vir a visitarnos, xa que o seu obxetivo principal eran os maiores,pasáronnos un par de fotos para que o poidésemos ver. Contáronnos que quedou moi contento coa visita, cos traballos que fixemos,... así que prometeu que volvería. Esperamos coñecelo a próxima vez.

VISITA Á BIBLIOTECA DE PONTEAREAS

Esta semana fixemos unha salida á Biblioteca Municipal de Ponteareas. O que imaxinamos unha visita entretida pero quizáis pouco emocionante para nós, os nenos/as de 5 anos, resultou do máis divertido e encantounos todas as cousas que poidemos ver alí. O mellor, por suposto, a sala de lectura infantil. Moi ben ambientada, acolledora e cun montón de libros bonitos. Puri, a nosa guía, explicounos como estaban colocados os libros, por cores e estanterías, segundo a nosa idade. Deixounos un tempo para mirar todos os que quixemos e sentarnos en cada un dos rincóns da sala. Tamén poidemos visitar a sala de ordenadores e a sala de estudio, onde entramos supercaladiños pois había chicos e chicas estudiando e non queriamos molestar. Por último, o museo, onde poidemos ver un montón de cousas interesantes: pedras antiguas, moedas, coitelos, algún busto, un traxe dun ministro, un "camión" de bombeiros do máis curioso,... Antes de irnos, Puri, fíxonos a todos un pequeno regalo, e así recordarnos que á biblioteca non só se pode ir co cole, senón que tamén podemos acudir coas nosas familias sempre que queiramos e así poder ver un montón de contos e libros bonitos e relacionarnos con outros nenos/as os que tamén lles encantan os libros. O balance que fixemos da visita foi moi positivo. Agora, papis e mamis, a levarnos alí de cando en vez!